Tanınmış siyasətçi VƏFAT ETDİ - FOTO

Türkiyədə Kürd siyasətçisi, keçmiş Diyarbəkir meri və yazıçı Mehdi Zana vəfat edib.

Avtosfer.az xəbər verir ki, Türkiyə mətbuatının yaydığı məlumata görə, Mehdi Zana bir müddət əvvəl xroniki obstruktiv ağciyər xəstəliyi (KOAH) səbəbilə xəstəxanaya yerləşdirilib.

Vəziyyəti ağırlaşan siyasətçi reanimasiya şöbəsinə alınıb.

Zananın avqustun 29-da saat 18:35 radələrində Diyarbəkirdəki özəl xəstəxanada çoxsaylı orqan çatışmazlığı səbəbindən dünyasını dəyişdiyi bildirilib.

Onun yaxınlarının Rûdaw-a verdiyi məlumata görə, Mehdi Zananın cənazəsi avqustun 30-da günorta saatlarında Yeniköy qəbiristanlığında dəfn ediləcək.

Mehdi Zana kimdir?

Mehdi Zana 20 dekabr 1940-cı ildə Diyarbəkirin Silvan rayonunda anadan olub. O, əvvəlcə “Bilici” soyadını daşıyıb, daha sonra soyadını kürdcə “Zana” olaraq dəyişdirib.

Zana 1977-1980-ci illərdə Diyarbəkir şəhərinin meri vəzifəsində çalışıb. O, kürd siyasi hərəkatının tanınmış simalarından biri olmaqla yanaşı, siyasətçi, fəal və yazıçı kimi də fəaliyyət göstərib.

Mehdi Zana uzun illər ərzində Türkiyədə kürd siyasi hərəkatının əsas simalarından biri kimi tanınıb./nocomment.az