TƏBİB-dən Mingəçevirdəki qəza ilə bağlı AÇIQLAMA - YENİLƏNİB

Mingəçevir şəhərində baş verən qəzada xəsarət alanların vəziyyəti açıqlanıb.

Avtosfer.az xəbər verir ki, bu barədə Bakıvaxtı.az-ın sorğusuna cavab olaraq TƏBİB-dən bildirilib.

Məlumata görə, 17.09.2025-ci il tarixində baş verən yol-nəqliyyat hadisəsi ilə əlaqədar saat 08:00 radələrində 3 nəfər (1 kişi, 2 qadın cinsli) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.

Müxtəlif bədən xəsarətləri alan şəxslərə zəruri tibbi xidmətlər göstərilib:

"Vəziyyəti stabil olan 2 nəfər ambulator müalicə üçün evə buraxılıb. Hazırda 1 nəfərin müalicəsi müvafiq şöbədə davam etdirilir, vəziyyəti stabildir".

***09:36

Mingəçevir şəhərində avtomobil bir ailənin 3 üzvünü vurub. 

Avtosfer.az report-a istinadən xəbər verir ki, Mingəçevirdə yolu qarşı tərəfə keçmək istəyən 1989-cu il təvəllüdlü S.Yusibova, 2014-cü il təvəllüdlü G.Yusibova və 2013-cü il təvəllüdlü R.Yusiblini avtomobil vurub. 

Müxtəlif dərəcəli bədən xəsarətləri alan şəxslər Mingəçevir Mərkəzi Şəhər Xəstəxanasına çatdırılıb. 

Qeyd edək ki, xəsarət alanlar bir ailənin üzvləridir.  

Faktla bağlı araşdırma aparılır.