Tərtərdə 27 yaşlı kişi qətlə yetirilib - YENİLƏNİB

Tərtərdə 27 yaşlı gəncin qətlində şübhəli bilinən şəxsin kimliyi məlum olub.

Avtosfer.az "Trend"ə istinadən bildirir ki, qətli törətməkdə şübhəli bilinən şəxs 1995-ci il təvəllüdlü Səfixan Fikrət oğlu Nağıyevdir.

Faktla bağlı araşdırmalar davam etdirilir.

***11 aprel, 23:55
Tərtərdə 27 yaşlı kişi bıçaqlanıb. Avtosfer.az-ın Teleqraf-a istinadən xəbərinə görə, bıçaqlanma hadisəsi Tərtərdə yerləşən kafelərdən birində baş verib. Əslən Ağdam rayonundan olan 1999-cu il təvəllüdlü Aslanov Nadil Saleh oğlu kafedə yeyib-içdikdən sonra bıçaqlanıb. Çoxsaylı bıçaq xəsarəti alan N.Aslanov Bərdə Diaqnostika Mərkəzinə çatdırılsa da, onun həyatını xilas etmək mümkün olmayıb. Faktla bağlı araşdırma başlanıb hadisənin başvermə səbəbləri dəqiqləşdirilir.