Torpaq üstündə sakinlər arasında kütləvi dava - VİDEO

İmişli rayonunun Boşcalılar kənd sakinləri arasında yaranan insidentin görüntüləri yayılıb.

Daxili İşlər Nazirliyinin (DİN) Mətbuat Xidmətinin Şirvan regional qrupundan bildirilib ki, görüntülər kənd sakinləri arasında torpaq mübahisəsini əks etdirir.

"Tərəflər arasında yaranan insidentlə bağlı polis şöbəsində araşdırma aparılır", - deyə açıqlamada bildirilib.

***

İmişli rayonunun Boşcalılar kəndində torpaq məsələsi ilə bağlı sakinlər arasında dava baş verib. Hadisə zamanı gərginlik artaraq fiziki toqquşmaya çevrilib.

Avtosfer.az xəbər verir ki, bu barədə Baku.ws-in qaynar xəttinə məlumat verilib.

Kadrlarda bir neçə nəfərin münaqişəyə cəlb olunduğu və aralarında kəskin mübahisənin düşdüyü görünür.