Tovuzda 14 yaşlı qızına toy edən şəxs ÖGEY ATASI İMİŞ - FOTO - YENİLƏNİB

Tovuz rayonunun Yuxarı Öysüzlü kəndində 2011-ci il təvəllüdlü qızın toy mərasiminin keçirilməsi ilə bağlı bəzi detallar məlum olub.

Avtosfer.az "Teleqraf"a istinadən xəbər verir ki, 14 yaşlı qız altıncı sinifdən məktəbdən çıxıb. Qızın anası Elnarə Ələsgərovanın sözlərinə görə, onun məktəbdən çıxmasına səbəb maddi sıxıntı səbəbindən təhsil ala bilməməsidir.

Ananın sözlərinə görə, həmin gün toy mərasimi yox, "hə" mərasimi keçirilib: "Kafelərdən birində kiçik bir şənlik məclisi qurulub. Övladımı oxuda bilməmişəm, buna imkanımız olmadı".

Məlumat üçün qeyd edək ki, bu E.Ələsgərovanın ikinci dəfə ailə həyatı qurub.

Məhkəmənin qərarı bir ay müddətinə inzibati qaydada həbs edilən şəxs isə 1992-ci il təvəllüdlü bəyin - Firdovsi Abbasovun atası Fizuli Abbasovdur.

***09:41

Tovuzda 14 yaşlı qızına toy edən şəxs ögey atası olub.

Avtosfer.az APA-ya istinadən xəbər verir ki, saxlanılan ögey ata ikinci ailəsindən olan qızına toy edən zaman polis əməkdaşları tərəfindən qarşısı alınıb.

Hazırda araşdırma aparılır.

***09:07

Tovuz Rayon Polis Şöbəsinə rayonunun Yuxarı Öysüzlü kəndində 2011-ci il təvəllüdlü qızın toy mərasiminin keçirilməsi barədə məlumat daxil olub.

Daxili İşlər Nazirliyinin Gəncə regional qrupundan verilən məlumata görə, polis əməkdaşları tərəfindən həmin mərasimin qarşısı alınıb və tərəflərin valideynləri ərazi üzrə polis orqanına dəvət olunublar.

Onlarla profilaktik söhbətlər aparılıb, qanunvericiliyin tələbləri izah edilib və barələrində inzibati protokol tərtib edilərək məhkəməyə göndərilib.

Məhkəmənin qərarı ilə valideynlərdən biri 1 ay müddətinə inzibati qaydada həbs edilib./oxu.az