Toy karvanında avtoxuliqanlıq edən sürücü qəzanın eşiyindən döndü - VİDEO

Hadisə 10 May 2023 16:38 Oxunub 472
Toy karvanında avtoxuliqanlıq edən sürücü qəzanın eşiyindən döndü  - VİDEO

Qarşısındakı avtomobilə baxaraq şou göstərməyə çalışdı, fırlanaraq yolunu azdı.
Avtosfer.az xəbər verir ki, hadisə paytaxtın mərkəzi küçələrindən birində qeydə alınıb. Çəkiliş zamanı kadrlara düşən görüntülərdən aydın olduğu kimi toy karvanına qoşulan avtomobillərin ikisi digərlərindən fərqlənmək eşqinə düşüb. Bu məqsədlə yolda “avtoşluq” şousu göstərməyə başlayıblar. Öncə qarşıdakı avtomobil sağa-sola manevr edərək yoluna davam edib. Ona baxaraq daha fərqli avtoxuliqanlıq edən arxadakı maşın isə məqsədinə çata bilməyib. Nəticədə anlıq olaraq idarəetməni buraxan sürücü avtomobilinin magistral yolda 180 dərəcə fırlanaraq əks istiqamətə çönməsinə və yoldan çıxmasına səbəb olub. Xoşbəxtlikdən avtomobillər arasındakı məsafə çox olub və digər maşınlar qəza zonasına girməyib. Sürücü salamat şəkildə qurtulsa da, avtomobili isə cüzi zədələr alıb. 

Nərmin Əkbər

ŞƏRH YAZ
Ad

E-mail

Şərh