Tramvayı ildırım vurdu, sərnişinlər təxliyə edildi - VİDEO

Türkiyənin Qaziantep şəhərində hərəkətdə olan tramvayı ildırım vurub. 

Avtosfer.az yerli mediaya istinadən xəbər verir ki, hadisə günorta saatlarında, güclü yağış yağarkən baş verib.

Tramvayda olan sərnişinlər təcili təxliyə ediliblər. 

Hadisə ilə bağlı tramvayların hərəkəti müvəqqəti dayandırılıb, zədələnmiş nəqliyyat vasitəsi isə xətdən çıxarılıb. Bundan sonra xətt üzrə qatarların hərəkəti bərpa edilib.

Şəhərin meri Fatma Şahin öz sosial media hesabında paylaşım edərək tramvaylarda quraşdırılmış ildırımdan müdafiə sistemi sayəsində nə nəqliyyat vasitəsinin, nə də sərnişinlərin xəsarət aldığını bildirib.