Türk sürücülər Avropada külli miqdarda cərimələndilər - FOTO

Polşa polisi ölkəyə Türkiyədən sitrus gətirən yük avtomobilində yoxlama aparıb. 

Avtosfer.az xəbər verir ki, Krakov voevodalığının polisi 22 ton yük daşıyan avtomobili yoxlayarkən şübhəli qurğu aşkar edib. Məlum olub ki, sürücünün ayağı altına taxoqrafı söndürən cihaz yerləşdirilib.

Avtomobil servis mərkəzinə gətirilərək taxoqraf sıfırlanıb, sürücüyə isə 2600 avro (5100 AZN) cərimə yazılıb. Daşınan yük cərimə ödənilənədək girov saxlanacaq.    

Qeyd edək ki, bu dəfə türk sürücü canını yüngül cəza ilə qurtara bilib. Bir neçə gün əvvəl Almaniyanın Bilelfeld şəhərində oxşar fırıldağa görə türk sürücüyə 30 min avro (59 000 AZN) cərimə yazılmışdı.

Bu situasiyada polis 2 həftə əvvəl istismara verilən maşında taxoqraf blokunun artıq düzgün işləmədiyini görərək qurğunu ekspertizaya göndərmişdi. Məlum olub ki, yeni istehsal edilmiş qurğuya artıq müdaxilə edilib.

Maraqlıdır ki, eyni sürücü iyulda da oxşar əmələ görə cərimələnib.

Vüqar