Türkiyədə binanın çökməsi nəticəsində yaralananların sayı artdı - FOTO - YENİLƏNİB

Xəbər verdiyimiz kimi, İstanbulda Küçükçekmecedə səhər saatlarında 3 mərtəbəli bina çöküb. 

Avtosfer.az xəbər verir ki, Küçükçekmece Bələdiyyə Başçısı binanın çökməsi ilə bağlı son vəziyyəti açıqlayıb. Başçı Kamal Çebi bunları deyib:

''Son araşdırmalar aparılır. 9 nəfərdən biri ölü olaraq tapılıb, qalan 1 nəfər özü kortəbii olaraq çölə çıxa bilibHazırda 7 nəfərin hamısı çıxarılıb”.

Məlum olub ki, binanın damında qanunsuz tikili aparılıb. 

Avtosfer.az çökən 3 mərtəbəli binanın havadan görüntülərini təqdim edir:

***

11:54
Türkiyənin İstanbul şəhərində üçmərtəbəli binanın çökməsi nəticəsində yaralananların sayı 7 nəfərə çatıb.

Avtosfer.az xəbər verir ki, bunu şəhər valisi Davud Gül bildirib.

"Yaralılardan ikisinin vəziyyəti ağır, beşinin vəziyyəti isə normaldır", - D.Gül deyib.

Onun sözlərinə görə, daha iki nəfər dağıntılar altındadır.

Vali qeyd edib ki, binanın birinci mərtəbəsində mağaza, yuxarı mərtəbələrində isə mənzillər olub.

***

11:42

İstanbulda üçmərtəbəli yaşayış binası çöküb, dağıntılar altında qalanlar var.

Avtosfer.az xəbər verir ki, hadisə şəhərin Küçükçükmece rayonunda baş verib.

İstanbul Valiliyinin verdiyi açıqlamaya əsasən, indiyədək dağıntılar altından iki nəfər yaralı olaraq çıxarılıb.

Hadisə yerli vaxtla saat 08:40 radələrində baş verib.

(APA)