Türkiyədə hava şarları sərt eniş etdi - Ölənlər var

Türkiyədə İhlara vadisindən Həsən dağına doğru havaya qalxan hava şarı Gözlükuyu kəndi yaxınlığında sərt eniş edib.

Avtosfer.az xəbər verir ki, bu barədə Aksaray valisi Mehmet Ali Kumbuzoğlu bildirib. 

Qəzada pilotun öldüyünü söyləyən Kumbuzoğlu 19 indoneziyalı turistin yaralandığını bildirib.

İhlara vadisindən havaya qalxan daha bir hava şarının Güzelyurt rayonunun Belisirma kəndi yaxınlığında sərt eniş etdiyi və nəticədə 12 hindistanlı turistin yüngül xəsarət alaraq xəstəxanaya aparıldığı bildirilir.

Nazirlik texniki baxışa başlandığını elan edib.