Türkiyədəki yanğında ölənlərin sayı 66-ya çatdı - VİDEO - YENİLƏNİB

Türkiyənin daxili işlər naziri Ali Yerlikaya Bolu Kartalkayada hoteldə baş verən yanğında ölənlərin sayının 66-ya çatdığını, 51 nəfərin yaralandığını açıqlayıb.

Avtosfer.az xəbər verir ki, bu barədə Türkiyə mətbuatı yazıb. 

"Hoteldə baş verən yanğında 66 nəfər həlak oldu, 51 nəfər yaralandı. Çox təəssüf edirik. Yanğın söndürülüb, soyutma işləri davam edir", - nazir qeyd edib. 

***

Türkiyənin Bolu şəhərinin Kartalkaya Xizək Mərkəzindəki “Grand Kartal” hotelində gecə saatlarında yanğın baş verib. 

Avtosfer.az Türkiyə mətbuatına istinadən xəbər verir ki, yanğın zamanı 10 nəfər ölüb, 32 nəfər xəsarət alıb. 

Bildirilib ki, 12 mərtəbəli hotelin taxta fasadı yanğını sürətləndirib.

Hadisədən sonra ərazidə səhra xəstəxanası yaradılıb.

Daxili işlər naziri Ali Yerlikaya bildirib ki, yanğına qarşı mübarizə müxtəlif ictimai qurum və təşkilatlardan 267 personal ilə davam edir.