Üç nəfəri güllələyən şəxs saxlanıldı

Ermənistanın Merdzavan yaşayış məntəqəsində törədilən qətl açılıb. Avtosfer.az xəbər verir ki, bu barədə Daxili İşlər Nazirliyinin mətbuat katibi Narek Sarkisyan “Facebook” səhifəsində yazıb. “Genişmiqyaslı operativ-axtarış tədbirləri nəticəsində Cinayət Polisinin əməkdaşları Merdzavanda üç nəfərə atəş açaraq ikisinin ölümünə, birinin isə güllə yarası almasına səbəb olan şəxsi müəyyən edərək Vagharşapat polis şöbəsinə gətiriblər. O, törətdiyi əməli etiraf edib. Cinayət aləti aşkarlanıb. Əlavə məlumat veriləcək”, – Sarkisyan qeyd edib. Merdzavanda baş verən qətl faktı üzrə saxlanılan şəxs barəsində qətl törətməyə kömək etmə maddəsi ilə ictimai cinayət təqibi başlanılıb. Bu barədə Ermənistan İstintaq Komitəsi məlumat yayıb. Məhkəməyə onun barəsində həbs qətimkan tədbiri seçilməsi ilə bağlı vəsatət təqdim olunub və bu vəsatət təmin edilib.