Üç qızı öldürən şəxs 52 illik həbsə məhkum edilib - FOTO

Böyük Britaniyanın Sauthport şəhərində yeniyetmə Aksel Rudakubana üç qızı qətlə yetirdiyinə görə 52 il müddətinə azadlıqdan məhrum edilib.

Avtosfer.az “Report”a istinadən xəbər verir ki, bu barədə “Sky News” telekanalı məlumat yayıb.

"Mən onu minimum 52 il müddətinə ömürlük həbs cəzasına məhkum edirəm. O, 175 gün həbsdə olub, ona görə də minimum həbs müddəti 51 il 190 gün olacaq", - hakim Julian Qus hökmü elan edib.

Qus əlavə edib ki, cinayəti törədən zaman qatilin 17 yaşı olduğu üçün minimum müddət göstərmədən məhkuma zəmanətli ömürlük həbs cəzası verə bilməz.

Hökm elan olunan zaman Rudakubananın özü məhkəmə zalında olmayıb. O, səhhətinin pis olması ilə bağlı qışqıraraq iclası pozmağa cəhd etdiyindən məhkəmə zalından çıxarılıb. Lakin cinayətkarı müayinə edən həkimlər onun səhhətində problemin olduğunu təsdiqləməyiblər.