Universitetin önündə qəza: “VAZ”la “Audi” toqquşdu, sərnişin huşunu itirdi - VİDEO

Naxçıvan şəhərində yol-nəqliyyat hadisəsi baş verib.

Avtosfer.az-ın məlumatına görə, qəza martın 13-ü günorta saatlarında Naxçıvan Dövlət Universitetinin yaxınlığında qeydə alınıb. Hərəkətdə olan “VAZ-2107” markalı maşın, “Audi” markalı avtomobillə toqquşub. İddiaya əsaən, qəzaya səbəb “VAZ” sürücüsünün manevr qaydasını pozması olub. Nəticədə bir-birinə çırpılan nəqliyyat vasitələrinə maddi ziyan dəyib. Sürücülər arasında xəsarət alan olmasa da, sərnişin qorxudan huşunu itirib.

Qeyd edək ki, hadisə yerinə polis əməkdaşları cəlb olunub. Faktla bağlı araşdırma davam edir. 

Nərmin