“Xan arxı” DAŞDI - Küçələr zibilli sulara qərq oldu - VİDEO

Gəncədə bir necə küçədən kecən ''Xan arx''ı daşıb. Arxın daşması nəticəsində kanalizasiya suları yollarda çətin vəziyyət yaradıb. Səhər saatlarından etibarən bayan, Təbriz və Eminbəyli küçələrində xoşagəlməz mənzərələr yaranıb. 

''Xan arxı'' daşdı. Küçələr və evlərin həyətlərinə çirkab doldu.

Tullantı dolu su küçələrdə nəqliyyatın və piyadaların hərəkətini çətinləşdirib. 

Mənbəyini Gəncəçayın Firuzabad qəsəbəsində yerləşən su qurğusundan götürən kanal şəhərin bir sıra küçələrindən keçir. Sakinlərin sözlərinə görə kanala tullantılar atılır, nəticədə tutulmalar yaranır. Bu isə son nəticədə kanalın daşmasına səbəb olur. 

Məsələ ilə bağlı Göygöl Suvarma Sistemləri İdarəsindən bildirildi ki, bu vəziyyət tez-tez təkrarlanır və idarə əməkdaşları ərazidə təmizlik işləri aparırlar.

Sahə rəisinin sözlərinə görə kanalın üstünün örtülməsi məsələsi hələ ki, gündəmdə deyil.