Xırdalanda 20 yaşlı oğlan öldürüldü - YENİLƏNİB

Gecə saatlarında Abşeron rayonunda qətl hadisəsi törədilib.

Avtosfer.az xəbər verir ki, saat 03 radələrində Xırdalan şəhəri ərazisində gənc oğlan bıçaqlanıb. Xəstəxanaya çatdırılan şəxsin öldüyü məlum olub.

İlkin araşdırmalarla qətlə yetirilən şəxsin 2005-ci il təvəllüdlü Elmir Axundov olması müəyyən edilib.

Hadisəni törədən şəxsin saxlanması istiqamətində polis tərəfindən tədbirlər görülür.

Faktla bağlı Abşeron Rayon Prokurorluğunda araşdırma başlanıb.

***

Cinayəti törətməkdə şübhəli bilinən 2006-cı il təvəllüdlü Fərid Rəşad oğlu Məmmədov polis əməkdaşları tərəfindən saxlanılaraq istintaqa təhvil verilib.