Xırdalanda məhəllələri su basdı - RƏSMİ AÇIQLAMA VİDEO

Hadisə 7 May 2024 13:31 Oxunub 294
Xırdalanda məhəllələri su basdı - RƏSMİ AÇIQLAMA  VİDEO
WhatsApp kanalımıza abunə ola bilərsiniz

Abşeron rayonuna müşahidə olunan yağışlı hava şəraiti Xırdalan şəhərində böyük çətinliklər yaradıb.

Avtosfer.az xəbər verir ki, bu bu barədə "Baku.Ws"- in qaynar xətti"nə məlumat daxil olub.

Yerli sakinlərdən birinin atdığı görüntüdən məlum olur ki, Xıradalanda Mehdi Hüseynzadə küçəsi və 26-cı məhəlləni su basıb.

Mövcud vəziyyət ərazidəki kanalizasiya sisteminin bərbad vəziyyətdə olmasını ortaya qoyub.

Məsələ ilə bağlı Avtosfer.az-a açıqlama verən “Azərsu” ASC-nin mətbuat katibi Anar Cəbrayıllı bildirib ki, subasmanın səbəbi bu evlərin çökək ərazidə yerləşməsidir: “Sözügedən ərazidə kanalizasiya infrastrukturu mövcuddur. Sadəcə Sumqayıt-Bakı yolunun kənarıdakı bu ərazi Xırdalanın ən çökək nöqtəsidir. Bu səbəbdən Hökməli, Atyalı istiqamətindən və Xırdalanın özündə formalaşan yağış suları həmin istiqamətə yönəlir. Ona görə də intensiv yağıntılar zamanı mövcud kanalizasiya xətləri yağış sularını daşıya bilmir, nəticədə isə subasma halı yaranır. Qeyd edim ki, vaxtı ilə bu ərazilərin hamısı gölməçələrdən, göllərdən və qamışlıq ərazidən ibarət olub. Sonra həmin ərazilər torpaqla doldurulub, evlər tikilib".

Mətbuat katibi qeyd edib ki, əgər belə ərazilərdə evlər tikilməsəydi, indiki problem yaranmayacaqdı. Su ora yığılıb, torpağa hopacaqdı. Bu gün yaşanan ən böyük problemlərdən biri də məhz budur. Maklerlər gölləri, gölməçələri qurudub, üstündə ev tikirlər və sonra ortaya bu kimi problemlər çıxır.

Anar Cəbrayıllı əlavə edib ki, hazırda yağış kəsdiyi üçün ərazidə problemin böyük hissəsi həll olunub. Bir-iki saata orada su qalmayacaq, hamısı çəkilib gedəcək.

 

 

ŞƏRH YAZ
Ad

E-mail

Şərh