Xocahəsəndə dəhşətli yanğın: Qəfil alışan yük maşınından sürücü güclə xilas oldu - VİDEO

Qəfil alışan yük maşını geniş əraziyə yayılaraq təhlükəyə səbəb olub.
Avtosfer.az xəbər verir ki, dəhşətli yanğın hadisəsi dünən saat 12 radələrində, Bakı-Şamaxı yolunda, Xocahəsən metrostansiyası yaxınlığındakı təkər sexində qeydə alınıb. Hadisə şahidlərinin kamerasıyla çəkilən görüntülərdən məlum olduğu kimi, yük maşını qəfil alışmağa başlayıb. Saniyələr içində yüksələn yanğın yük maşını ilə yanaşı digər nəqliyyat vasitəsinə də keçib və ərazidəki təkərləri də ağuşuna alıb. Nəticədə iki yük maşını və bir konteyner yanaraq yararsızlaşıb. Həmçinin təkərlər və işçilərin dincəlmə otağı sıradan çıxıb. Xoşbəxtlikdən sürücü qəfil alışan yanğın zamanı yük maşınından çıxmağı bacarıb. 
Qeyd edək ki, olay yerinə Yanğınsöndürmə Xidməti əməkdaşları cəlb olunub və yanğının genişlənməsinin qarşısı alınıb.

Nərmin