Yanğın zamanı kişi arvadını xilas edərkən ölüb - TƏFƏRRÜAT - FOTO - YENİLƏNİB

Bakının Səbail rayonu, Bayıl qəsəbəsində baş verən yanğının səbəbi məlum olub.

Avtosfer.az "Teleqraf"a istinadən xəbər verir ki, qonşuların bildirdiyinə görə, Cənub Dərə küçəsində yerləşən ev yanğın zamanı ölən Andrey Vladimiroviç Starçevoya məxsus olmayıb.

Qeyd edilib ki, Andrey həyat yoldaşı İrina ilə birlikdə küçədə yaşayırmış. Lakin üç ay bundan öncə Şirvan Abdullayev özünə məxsus evdə onlara sığınmaq üçün bir otaq verib. Cütlük tez-tez mübahisə edirmişlər.

Şirvan Abdullayevin verdiyi məlumata görə, Andrey iki ayağından əlil olub. Hadisə vaxtı isə, o, həyat yoldaşını xilas etmək üçün əli ilə itələyərək küçəyə çıxarıb.

Hadisəyə səbəb kimi elektrik sobasında qısaqapanma göstərilir.

***09:23

Bakıda evdə yanğın zamanı bir nəfər ölüb.

Avtosfer.az xəbər verir ki, hadisə Səbail rayonu, Cənub Dərə küçəsində yerləşən evdə qeydə alınıb.

Belə ki, Starçevoy Andrey Vladimiroviç yaşadığı evdə qısaqapanma nəticəsində baş verən yanğın nəticəsində ölüb.

Faktla bağlı Səbail rayon prokurorluğunda araşdırma aparılır.