Yarımstansiya qarət edildi, 10 min manatlıq avadanlıq oğurlandı - ANBAAN VİDEO

Paytaxtın Xətai rayonunda yerləşən elektrik yarımstansiyalarından birində oğurluq edilib.

Avtosfer.az-ın məlumatına görə, naməlum şəxs yarımstansiyadan cərəyan açarları və transformatorun mis şinlərini oğurlayıb. Hadisə nəticəsində yarımstansiyaya təxminən 10 min manat maddi ziyan dəyib.

Xətai Rayon Polis İdarəsinin 37-ci Polis Şöbəsinin əməkdaşlarının həyata keçirdikləri tədbirlərlə hadisəni törətməkdə şübhəli bilinən, əvvəllər məhkum olunmuş 34 yaşlı Dəyanət Kərimov saxlanılıb. Ondan oğurladığı elektrik avadanlığının bir hissəsi aşkar olunaraq maddi sübut kimi götürülüb.

Faktla bağlı araşdırma aparılır.