Yasamalda ağaclar kəsildi - İş hüquq-mühafizə orqanlarına göndəriləcək

Bakının Yasamal rayonunun Mirəli Seyidov küçəsində bir neçə ağac kəsilib.

Bu barədə Avtosfer.az-a Dövlət Ekoloji Təhlükəsizlik Xidmətindən bildirilib.

Bildirilib ki, faktla bağlı akt tərtib olunub və təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi məqsədilə toplanmış sənədlər hüquq-mühafizə orqanlarına göndərilməsi üçün hazırlanır.