Yaxınlaşan maşını heçə sayan qadın qəzanın bir addımlığından xilas oldu - VİDEO

Paytaxtın Yusif Səfərov küçəsində qayda pozan piyada qəzanın bir addımlığından xilas olub.

Avtosfer.az-ın məlumatına görə, hadisə oyunun 3-də saat 09:18 radələrində qeydə alınıb. Kadrdan da göründüyü kimi, orta yaşlı qadın yaxınlaşmaqda olan maşını görsə də yolu qaçaraq keçib. Görüntünü qeydə alan sürücü siqnal verərək piyadaya xəbərdarlıq edib. Buna baxmayaraq o, hərəkətinə davam edib. 

Qeyd edək ki, hadisənin baş verdiyi ərazinin yaxınlığında bir neçə piyada keçidi mövcuddur. Lakin bəzi piyadalar məsuliyyətsizlik edərək yolu müəyyən olunmamış yerdən keçirlər və bu vaxt öz həyatları ilə yanaşı sürücüləri də təhlükəyə atırlar. 

Nərmin