YDM-də dayanan təlimçi özündən çıxdı: “Bunu qadın sürücü etsəydi..” - VİDEO

Xırdalan şəhərində yerləşən “Lukoil” yanacaqdoldurma məntəqəsində baş vermiş hadisə sosial şəbəkədə müzakirələrə səbəb olub.

Avtosfer.az xəbər verir ki, görüntü bir neçə gün əvvəl “Lalə sürücülük təlimi”nin təlimçisi tərəfindən qeydə alınıb. Belə ki, yanacaq alan 99-VX-108 dövlət nömrə nişanlı “KIA” markalı avtomobilin sürücüsü məntəqədən çıxmaq istəyən qadın təlimçini qəzəbləndirib. Təlimçi sürücünün maşını düzgün şəkildə park etmədiyini və  digər nəqliyyat vasitələrinin hərəkətinə maneə törətdiyini bildirir. Ardıyca isə “bunu qadın sürücü etsəydi ona başqa cür reaksiya verilərdi” deyir. 

Qeyd edək ki, paylaşıma sözügedən yanacaqdoldurma məntəqəsindən istifadə edən şəxslər, hətta təlimçinin irad tutduğu sürücü də rəy bildirib. Onlar yanacaqdoldurma məntəqəsinin olduqca səliqəsiz və dar olduğunu bildirərək bu problemlə dəfələrlə qarşılaşdıqlarını vurğulayıblar. 

Nərmin