![Sel körpünü qəzalı vəziyyətə saldı: mərkəz ilə əlaqə kəsilib - VİDEO](/upload/news/small/4669627.jpg)
Yeni ildə Tərtərdə 18 yaşlı gənc öldürülüb, cinayət işi başlanılıb - YENİLƏNİB
![Yeni ildə Tərtərdə 18 yaşlı gənc öldürülüb, cinayət işi başlanılıb - YENİLƏNİB](/upload/news/853495.jpg)
Yeni ildə Tərtərdə 18 yaşlı gənc öldürülüb, cinayət işi başlanılıb.
Bu barədə Avtosfer.az-a Tərtər Rayon Prokurorluğundan məlumat verilib.
Belə ki, yanvarın 1-də Tərtər şəhəri, Nizami küçəsində yerləşən fərdi yaşayış evlərindən birinin qarşısında 2006-cı il təvəllüdlü Canpolad Tağıyevin öldürülməsi barədə rayon prokurorluğuna məlumat daxil olub.
Aparılan araşdırma zamanı 2009-cu il təvəllüdlü Fuad Quluzadənin aralarında yaranmış mübahisə zamanı Canpolad Tağıyevə kəsici-deşici alətlə bir neçə dəfə xəsarət yetirərək qəsdən öldürməsinə əsaslı şübhələr müəyyən edilib.
Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Fuad Quluzadə iş üzrə şübhəli şəxs qismində tutulub.
Hazırda cinayət işi üzrə ibtidai istintaq davam edir.
01:20
Tərtərdə 18 yaşlı gənc qətlə yetirilib, saxlanılan var.
DİN-in Mətbuat Xidmətinin Bərdə regional qrupundan Avtosfer.az-abildirilib ki, yanvar ayının 1-də saat 1 radələrində rayon ərazisində yerli sakin, 2006-cı il təvəllüdlü Canpolad Tağıyevin kəsilmiş-deşilmiş xəsarətlərdən ölməsi barədə polisə məlumat daxil olub.
Polis əməkdaşları tərəfindən keçirilən tədbirlərlə cinayət əməlini törətməkdə şübhəli bilinən, 2009-cu il təvəllüdlü Fuad Quliyev saxlanılıb. İlkin məlumata görə hadisə şəxsi münasibətlər zəminində baş verib.
Araşdırma aparılır.