Yeni Yasamalda hərəkətdə olarkən yanan “KIA” söndürüldü - VİDEO

Paytaxtın Yasamal rayonu, “Yeni Yasamal” yaşayış massivində avtomobil alışaraq yanıb.

Avtosfer.az-ın məlumatına görə, hadisə sentyabrın 23-də axşam saatlarında Dadaş Bünyadzadə küçəsində qeydə alınıb. Belə ki, 77-PZ-583 dövlət nömrə nişanlı, “KIA Optima” markalı maşın hərəkətdə olarkən ön hissəsi anidən alışmağa başlayıb. Şahidlərin iddiasına əsasən, yanğın elektrik naqillərindəki qısaqapanmadan qaynaqlanıb. Xoşbəxtlikdən hadisə zamanı avtomobildə insan olmayıb.

Əraziyə Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub. Getdikcə şiddətlənən yanğının avtomobilin digər hissələrinə keçməsinin qarşısı alınıb.

Nərmin