Yeniyetməni döyüb komaya saldılar: Əmisi nələri açıqladı? - VİDEO

Lənkəranın Kərgəlan kəndində 16 yaşlı Emil İbadovun döyülməsi faktı ilə bağlı bəzi detallar məlum olub.

Avtosfer.az Baku TV-yə istinadən xəbər verir ki, Emil İbadovun əmisi yeniyetmənin vəziyyətinin ağır olduğunu bildirib:

"Atam zəng vurdu ki, uşağı vurub, beynini yarıblar, reanimasiyadadır. 10-15 dəqiqəyə özümü çatdırdım. Həkimlər süni nəfəs veriblər. Vəziyyəti çox ağırdır".

Hadisəni törətməkdə şübhəli bilinən şəxs polis əməkdaşları tərəfindən saxlanılıb. Faktla bağlı araşdırma aparılır.

***07:30

Lənkəranda yeniyetmə tanışları tərəfindən döyülüb.

Avtosfer.az qafqazinfo-ya istinadən xəbər verir ki, hadisə axşam saatlarında rayonun Kərgəlan kəndi ərazisində qeydə alınıb.

Belə ki, kənd sakini, 2010-cu il təvəllüdlü E.İ.  tanışları ilə aralarında yaranan mübahisə zəminində döyülüb. Yaxınlarının sözlərinə görə, onlar arasında mübahisə kənd ərazisində fəaliyyət göstərən yanacaqdoldurma məntəqələrinin birinin həyətində baş verib.

Mübahisə zəminində onlardan biri E.İ.-ni döyərək, başı üstə yerə çırpıb. O, yaxınları tərəfindən təcili olaraq Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub. Dəqiqləşdirilməmiş kəllədaxili travma diaqnozu ilə o, reanimasiya şöbəsinə yerləşdirilib. Hazırda vəziyyəti ağır olan E.İ. süni tənəffüs aparatına qoşulub.

***

Əməli törətməkdə şübhəli bilinən İ.B. polis əməkdaşları tərəfindən saxlanılıb.

Faktla bağlı araşdırma aparılır.