Yevlaxda bıçaqlanma hadisəsi olub - Qazi oğul saxlanılıb

Yevlaxda 66 yaşlı kişi bıçaqlanıb, hadisəni törətməkdə oğlu şübhəli bilinir. Avtosfer.az-ın məlumatına görə, rayonun Havarlı kəndində 1959-cu il təvəllüdlü Hüsü Talıbov mübahisə zəminində bıçaq xəsarəti alıb. O, xəstəxanaya yerləşdirilib, vəziyyəti orta-ağır qiymətləndirilir. Hadisəni törətməkdə şübhəli bilinən isə onun oğludur. Faktla bağlı araşdırma aparılır.

***

DİN-in Mətbuat xidmətinin regional qrupundan verilən məlumata görə, hadisəni törətməkdə şübhəli bilinən zərərçəkmişin 36 yaşlı oğlu  Vüsal Talıbov polis əməkdaşlarının keçirdiyi əməliyyat tədbirləri nəticəsində saxlanılıb. Faktla bağlı cinayət işi  başlanılıb. İbtidai istintaq aparılır. 

Qeyd edək ki, saxlanılan şəxs – V.Talıbov Vətən müharibəsi qazisidir.