Yol polisi sürücünü avtomobilin təkərinə atəş açaraq saxladı - ANBAAN VİDEO

Yol polisi əməkdaşları sürücünü saxlamaq üçün avtomobilə atəş açmalı olublar.

Avtosfer.az-ın məlumatına görə hadisə Rusiyanın Volqoqrad şəhərində baş verib.

Belə ki, hüquq-mühafizə orqanlarının əməkdaşları sənədləri yoxlamaq üçün avtomobili saxlamağa çalışıb. Həmin şəxs tələbi yerinə yetirmək əvəzinə sürətini artırıb.

Polis yuxarıya doğru bir xəbərdarlıq atəşi açıb, bundan sonra təkərləri nişan almağa başlayıb. Sürücü dayandırılıb. Polis əməkdaşları ilə söhbətində həmin şəxs sərxoş olduğu üçün qaçmaq istədiyini bildirib.

Qeyd edək ki, sürücü barəsində inzibati protokollar tərtib edilib. Bundan əlavə, o, on sutkalıq həbs edilib.

Məhəbbət Tərlanoğlu