Yolu qaçaraq keçən kişi qəzanın bir addımlığından döndü - VİDEO

Hadisə 18 Yanvar 2024 19:51 Oxunub 4366
Yolu qaçaraq keçən kişi qəzanın bir addımlığından döndü   - VİDEO
WhatsApp kanalımıza abunə ola bilərsiniz

Xəzər rayonu Zaqulba yolunda təhlükə saçan piyada anbaan kameraya düşüb.
Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Videodan göründüyü kimi, yolu qaçaraq keçən piyada qəzanın bir addımlığından dönüb. Belə ki, o, hərəkətdə olan 10-SM-757 dövlət nömrə nişanlı “Chevrolet Cruze” markalı avtomobilin önünə anidən çıxıb. Xoşbəxtlikdən sürücü vaxtında manevr edərək baş verəcək təhlükənin qarşısını alıb. İşin qəribə tərəfi isə qaçan piyadanın avtomobilin qarşısından keçərkən sürətini azaltması olub. 
Qeyd edək ki, qayda pozan piyadaların əksəriyyəti yolu keçərkən sürücülərin dayanacağını və onlara yol verəcəyini düşünür. Bəziləri isə yolu müşahidə etmədən keçməyə cəhd edir. Lakin unutmaq olmaz ki, piyada eynisəviyyəli keçiddən istifadə zamanı da ehtiyatlı davranmalı və avtomobil hərəkətini saxladıqdan sonra yolu keçməlidir.

 

Nərmin

ŞƏRH YAZ
Ad

E-mail

Şərh