Yolun ortasında velosipedçiyə silah çəkən sürücü axtarışa verildi - VİDEO

Silahlı sürücü velosipedçiyə hücum edib. Avtosfer.az xəbər verir ki, Rusiyanın paytaxtı Moskvada baş verən hadisənin görüntüləri təhlükəsizlik kamerası tərəfindən qeydə alınıb.
Belə ki, Malıgina küçəsində “Nissan” markalı avtomobilin sürücüsü hələlik məlum olmayan səbəblərdən velosipedçi ilə arasında mübahisə yaşanıb. Bundan əsəbiləşən sürücü avtomobilini yolun hərəkət hissəsində saxlayaraq üzərində gəzdirdiyi tapança ilə velosipedçiyə hücum edib. Havaya bir neçə əl atəş açan sürücü velosipedçiyə hədə-qorxu gəldikdən sonra avtomobilinə qayıdaraq yoluna davam edib.
Yerli medianın məlumatına görə, hadisə nəticəsində xəsarət alan olmayıb. Velosipedçi polisə şikayətlə müraciət edib. Hazırda "Xuliqanlıq" maddəsi ilə cinayət işi açılıb, sürücü axtarışa verilib.
Sözügedən insidentin anbaan videosunu təqdim edirik: 

Namiq Musayev