Yük maşını ilə təhlükə saçan sürücü məsuliyyətə cəlb olundu – FOTO - VİDEO (YENİLƏNİB)

"Hərəkətdə olan yük avtomobilinin sürücüsü tərəfindən yol hərəkəti təhlükəsizliyi qaydalarının pozulmasının əks olunduğu videogörüntü ilə bağlı sosial mediada yayılan məlumat Baş Dövlət Yol Polisi İdarəsində (BDYPİ) araşdırılıb".

Avtosfer.az xəbər verir ki, bu barədə BDYPİ-dən Oxu.az-a məlumat verilib.

Məlumatda deyilir:

"Məlum olub ki, həmin videogörüntü Bakı-Quba-Dağıstan sərhədi avtomobil yolunun Quba rayonunun Zərqava kəndi ərazisindən keçən 148-ci kilometrliyində digər sürücü tərəfindən qeydə alınıb. Baş İdarənin YPX Alayının əməkdaşları tərəfindən görülən tədbirlərlə 77-JH-901 dövlət qeydiyyat nişanlı, "DAF" markalı yük avtomobili ilə sözügedən qayda pozuntusunu törədən Bakı şəhər sakini Mirzə Sabir oğlu Abdullayev müəyyən edilib və həmin şəxs inzibati qaydada məsuliyyətə cəlb olunub".

**

Azərbaycanda yolda hərəkət edən yük maşınlarından biri təhlükəli vəziyyət yaradıb.
Avtosfer.az xəbər verir ki, bu barədə sosial şəbəkələrdə görüntülər paylaşılıb.
Belə ki, Qubada sürücü avtomobilin yükhissəsini qaldıraraq ətrafdakılar üçün təhlükə saçıb.
Bu vəziyyətdə yük maşını həm də naqilləri qırıb.
Görüntüləri olduğu kimi təqdim edirik: