Yük maşınında hissələrə ayrılmış qadın cəsədləri tapıldı - Bu ölkədə

Nijni Novqorodda yol polisi əməkdaşları yük maşınında bir neçə qadının hissələrə ayrılmış meyitlərini aşkar edib.

Avtosfer.az xəbər verir ki, bu barədə Rusiya mətbuatı yazıb.

"Yol polisi əməkdaşları Bor körpüsü yaxınlığında "Qazel" markalı yük maşınını saxlayıblar. Yoxlama zamanı sərnişinlərdən biri qəfil avtomobildən düşərək qaçıb. Maşının içərisində yaşlı bir qadına və 18 yaşlı bir qıza aid olduğu ehtimal edilən meyit qalıqları tapılıb", - deyə məlumatda qeyd olunub. 

Məlumata görə, yük maşınının sürücüsü bu iş üçün muzdla tutulub və yükün nədən ibarət olduğundan xəbərsiz olub. Hazırda hüquq-mühafizə orqanlarının əməkdaşları hadisə yerindədir və insidentin təfərrüatları araşdırılır./unikal