Zabrat–Maştağa yolunda dərin çuxur sürücülərə ziyan vurur - ŞİKAYƏT - VİDEO

Zabrat–Maştağa yolunun bir hissəsində asfalt örtüyünün yararsız vəziyyətdə olması sürücülər üçün ciddi problem yaradıb.

Avtosfer.az-ın məlumatına görə, bu barədə sürücülərdən biri sosial şəbəkədə paylaşım edib.

Kadrlardan görünür ki, yolun hərəkət hissəsində dərin çuxur yaranıb. Nəticədə həmin ərazidən keçən avtomobillər zədələnir və sürücülər maddi ziyanla üzləşirlər.

Videonu çəkən şəxs də yoldan keçərkən avtomobilinin çuxura düşdüyünü, nəticədə təkərin partladığını və diskin əyildiyini bildirib. Onun sözlərinə görə, təhlükənin qarşısını qismən almaq üçün çuxur imkan daxilində daşlarla doldurulub. 

Xüsusilə gecə saatlarında və əraziyə bələd olmayan sürücülər üçün bu hissə daha böyük risk yaradır.

Nərmin