Zibil maşını ilə yaşlı qadının üstündən keçdilər, xəbərləri olmadı – ANBAAN VİDEO

Türkiyənin Dənizli şəhərinin Pamukkale rayonunda baş verən dəhşətli hadisə faciə ilə nəticələnib. 

Avtosfer.az xəbər verir ki, hadisə dünən saat 16:00 radələrində qeydə alınıb. Eren Turgut (ad şərtidir) idarəsində olan zibildaşıyan avtomobil konteynerdəki tullantını yığdıqdan sonra hərəkətə keçib. Bu zaman yolun qarşısına keçmək istəyən Atiye Kabaklı adlı qadına çırpılıb.

Zərbə nəticəsində qadın avtomobilin altında qalıb və bir neçə metr sürüklənib. Hadisəni görən zibil toplama işçiləri dərhal sürücünü xəbərdar edərək maşını dayandırıblar. Əraziyə dərhal təcili tibbi yardım və polis əməkdaşları cəlb edilib.

Həkimlərin müdaxiləsinə baxmayaraq, Atiye Kabaklının hadisə yerində dünyasını dəyişdiyi müəyyən edilib. Polis əməkdaşlarının araşdırmasından sonra qadının meyiti tibbi ekspertiza üçün Denizli Ədli Tibb Qurumunun morquna aparılıb.

Zibil maşınının sürücüsü E.A. saxlanılaraq polis şöbəsinə aparılıb. Hadisə ilə bağlı araşdırma davam edir.

Eltac Zülfüqaroğlu