Avtomobil üçün "dəfn" mərasimi keçirildi - VİDEO

Hindistanda bir ailə sevimli avtomobili üçün dəfn mərasimi keçirib. Avtosfer.az xəbər verir ki, bu barədə "The Times of India" qəzeti yazıb.

Məlumata görə, Qucarat ştatının Padarşinqa kəndində ailə talismanına çevrilmiş avtomobil üçün qeyri-adi "dəfn" mərasimi keçirilib.

Sahibkar Sanjay Polara 12 illik avtomobili üçün təxminən 1500 nəfərin qatıldığı mərasim təşkil edib.

Güllər və çələnglərlə bəzədilmiş avtomobil üçün ailənin fermasında xüsusi 4,5 metr dərinliyində "məzar" hazırlanıb.

"Mən bu avtomobili təxminən 12 il əvvəl almışam və bu, ailəyə rifah və hörmət gətirib", - deyə Polara insanlara bildirib.

Onun sözlərinə görə, avtomobil ailəsi və biznesi üçün uğur simvoluna çevrilib. Mərasimə təxminən 4000 dollar xərclənib. "Dəfn" yerində ağac əkilməsi planlaşdırılır.

Gujarat: In Amreli, farmer Sanjay Polra gave his 15-year-old car a symbolic "final resting place" in gratitude for the prosperity it brought his family. The family held a ceremony with the village, planting trees at the site to commemorate their fortune-changing vehicle pic.twitter.com/vtoEkVQLIP

— IANS (@ians_india) November 8, 2024