Bu maşınların içi 60 min dollarlıq spirtli içki ilə doludur - VİDEO

Bu videoda gördüyünüz avtomobillər sadəcə, suvenirdir, lakin onların bəzilərinin dəyəri həqiqi avtomobillərdən də qat-qat bahadır. Avtosfer.az-ın məlumatına görə, Azərbaycanın bölgələrindən birində yaşayan və məlum səbəblərdən adının çəkilməsini istəməyən 70 yaşlı kişi uzun illərdir evində içki kolleksiyası yığır. Bu avtomobil fiqurları da həmin kolleksiyaya daxildir. Həcmi balaca olsa da, onların bəzilərinin qiyməti 60 min dollardır. Hansı ki, bu qiymətə Azərbaycanda ən azı 3-4 normal avtomobil almaq mümkündür. İçkilərin qədimiliyi də qiymətə təsir edir. Bəzi fiqurların içərisindəki konyakın istehsal tarixi 30-40 il əvvələ gedir. İllər keçdikcə bu kiçik avtomobil fiqurlarının da qiyməti bahalaşır. Həmin içkilər müxtəlif ölkələrdə istehsal olunub.

Elməddin