Çində qeyri-adi formalı şüşə körpü - VİDEO - FOTO

Son illərdə Çində şüşə və metaldan hazırlanmış çoxlu piyada körpüləri salınır. Çünki ölkənin bəzi əyalətlərinin relyefi turistlərin sevinci (və qorxusu) üçün belə obyektlərin tikintisinə imkan verir. Onlardan bəziləri uzunluğu ilə, digərləri isə fantastik forması ilə fərqlənməyə çalışırlar. Ölkənin şərqindəki Zhejiang əyalətindəki Ruyi körpüsü ən son körpülərdən biridir.

Bir müddət əvvəl vilayətin dağ dərələrindən birinin üzərində uzunluğu yüz metrə yaxın olan bu körpü tikilib. Həddindən artıq mənzərəli olduğuna görə ərazi turistlər arasında çox populyardır. Xüsusən indi sərhədlər bağlı olduğu üçün çinlilər ölkə daxilində səyahətlərdə xüsusilə fəaldırlar. Ötən aylarda artıq 200 minə yaxın insan bu obyekti ziyarət edə bilib.

Körpü əslində bir quruluşda birləşdirilən üç ayrı strukturdur. Onların əyri forması yerli mədəniyyətdə uğurlar rəmzi olan ənənəvi Çin jade çubuqundan ilhamlanıb. Dərinliyi 140 metr olan dərənin üzərində yerləşən körpünün əhəmiyyətli hissəsi şüşədəndir ki, bu da onun keçidini xüsusilə yaddaqalan edir.

Nərminə Əli