“Dünya Su Günü”- Hansı ölkələrdə su qıtlığı yaşanır? - SİYAHI

Bu gün “Dünya Su Günü”dür. 1993-cü ildə Birləşmiş Millətlər Təşkilatının Baş Assambleyası tərəfindən martın 22-si “Ümumdünya Su Günü” elan edilib.

Hazırda dünya əhalisinin 40%-dən çoxu içməli su problemi ilə üz-üzədir. Artıq şirin su problemi qlobal məsələyə çevrilib. Dünya Təbii Sərvətlər İnstitutunun məlumatlarına görə, dünyanın 17 ölkəsində həddindən artıq su qıtlığı yaşanır. Bunlar Qətər, İsrail, Livan, İran, İordaniya, Liviya, Küveyt, Səudiyyə Ərəbistanı, Eritreya, Birləşmiş Ərəb Əmirlikləri, San Marino, Bəhreyn, Hindistan, Pakistan, Türkmənistan, Oman və Botsvanadır.

Araşdırmalar göstərir ki, bu ölkələrdə təmiz içməli suyun 80 faizi kənd təsərrüfatı, sənaye və şəhər bələdiyyələri tərəfindən istifadə olunur. 

Su problemi daha çox Yaxın Şərq və Şimali Afrika ölkələrində özünün göstərir.  

Avropada ən çox su çatışmazlığı olan ölkələr müvafiq olaraq San Marino, Belçika, Yunanıstan, İspaniya, Albaniya, Portuqaliya və İtaliyadır. Qeyd edək ki, Azərbaycan əhalinin sayına və əraziyə nisbətdə su ehtiyatlarının az olduğu ölkələrdəndir. 

Azərbaycan Respublikası ərazisinin 60%-dən çoxu arid və semiarid landşaftlardır. Bu ərazilərdə insanların həyat fəaliyyəti bilavasitə şirin su ehtiyatları ilə təminatla bağlıdır.

Hazırda ölkənin yerüstü su ehtiyatları 27 kubkilometr təşkil edir, quraq illərdə isə bu ehtiyat 20-21 kubkilometrə qədər azalır. Yerüstü su ehtiyatlarının mənbələrini çaylar, göllər, su anbarları və buzlaqlar təşkil edir. Ölkəmizin şirin su ehtiyatlarının 70-72 faizi  ölkə hüdudlarından kənarda formalaşır.

Azərbaycanın su mənbələrinin təxminən 70 faizinin ölkə sərhədlərindən kənarda formalaşır. Azərbaycanda yerli axım ilə Respublika ərazisinin təmin olunması 90-122 min m3/il təşkil edir. Xarici ölkələrdən daxil olan axımı nəzərə alaraq Respublikanin bütövlükdə su ilə təmin olunması 324-350 min m3/il təşkil edir.