Dünyanın ən uzun şüşə körpüsü tikildi - VİDEO

Çinin Xunan əyalətinin Çjantszyatsze milli parkında dünyanın şüşə örtüklü ən uzun asma körpüsünün tikintisi başa çatıb. İKT.lent.az-ın “South China Morning Post”a istinadən verdiyi məlumata görə, konstruksiya eyni zamanda, ən hündür körpü kimi tarixə düşüb. Kanyon üzərində tikilmiş körpünün uzunluğu 393 metr, yerdən hündürlüyü 300 metrdir. Körpüdə eyni anda 800 nəfər hərəkət edə bilər. Ziyarətçilərə “banji jampinq” də (bungee jumping – hündürlükdən kanatla tullanma) təklif olunur. Pis hava şəraiti ilə əlaqədar obyektin rəsmi açılışı hələlik təxirə salınıb. Açılış iyulda ola bilər.