Gəmidə yanan 4000 avtomobilin aqibəti necə olacaq? - VİDEO

Bu günlərdə “Fremantle” gəmisində 4 minədək təzə avtomobilin yanması dünya mediasında baş xəbər idi. Müzakirələr bu gün də bitmir.

Avtosfer.az xəbər verir ki, avtomobillərin 25%-i, başqa sözlə 800 avtomobil heç bir zərər görməyib, istismara tam yararlıdır. Onlara nə tüstü, nə də yanğınsöndürmədə istifadə edilən maddələr təmas etməyib.

Çoxları fikirlərşir ki, bu avtomobillər dilerlərə təkrar yola salınaraq bir qədər endirimlə satılacaq. Hətta az zərər görən maşınların belə ucuz qiymətə satılmasını təklif edənlər tapılır.

Lakin mütəxəssislər fərqli düşünür. Onların fikrincə, istehsalçılar belə hallarda öz nüfuzlarını zədələməmək və gələcək geriçağırma kampaniyasından qaçmaq üçün gəmidəki avtomobilləri sadəcə olacaq utilizasiya edəcəklər.

Tarixdə oxşar təcrübə mövcuddur. 2006-cı ildə gəmiz qəzası zamanı 4600 Mazda avtomobilinin cəmi 68-i zərər görür. Lakin şirkət bütün avtomobilləri məhv etməyə qərar verir.  

Bir sözlə, heç bir alverçi Fremantle gəmisindən təmir edib satmaq üçün yanan maşın götürə bilməyəcək. Buradan maşın götürmək yalnız laboratoriyalara və kolleksiyaçılara nəsib ola bilər.

Vüqar Yaşaroğlu