İlin sonuncu Super Ayı görünəcək

Dekabrın 4-də ilin sonuncu Super Ayı görünəcək. Avtosfer.az xəbər verir ki, dekabrın 4-də Ay adi tam Aydan təxminən 8% böyük və 16% parlaq olacaq. Super Ay hadisəsi Tam (dolu) Ay fazası Ay öz orbitinin perigeyində (Yerə ən yaxın) olduğu vaxta təsadüf edir. Super Ay hadisəsinin insanlar üçün heç bir təhlükəsi yoxdur. Sadəcə Ay Yerə yaxınlaşdıqca, onun cazibə qüvvəsi okean və dəniz səviyyələrinə daha çox təsir edir. Bu, adi haldan 3–5 sm-ə qədər daha yüksək su səviyyəsinə səbəb ola bilər.