Kadırovun 17 yaşlı oğlu toyuna nadir “Mercedes”lə gəldi – VİDEO

Çeçenistan lideri Ramzan Kadırovun 17 yaşlı oğlu Adam iyunun 28-də öz toyuna Mercedes-Benz G-Class STRONGER THAN THE 1980s ilə gəlib.

Avtosfer.az xəbər verir ki, videoda kiçik Kadırovun avtomobilin pəncərəsindən “Steçkin” tapançasından atəş açdığı görünür.

Məlumata görə, üç rəngdə ümumilikdə 460 avtomobil istehsal edilib (toydan olan fotoda yaşıl rəngli avtomobilin sükanı arxasında kiçik Kadırov əyləşib). Almaniyada onun başlanğıc qiyməti təxminən 190 min dollar olub. Eyni zamanda, qeyd edilir ki, bu avtomobil markası Rusiyaya ixracı qadağan edilənlər siyahısındadır – 2022-ci ilin martında Avropa İttifaqı müvafiq sanksiyaları tətbiq edib.

Adam Kadırov toyda Jacob & Co. Billionaire Ashoka brilyant saatı taxıb. Onun dəyəri 2 milyon dollardan 20 milyon dollara qədərdir.

Adam Kadırovun toyu barədə iyunun 27-də Çeçenistan rəhbərinin böyük qızı Ayşat Kadırova məlumat verib. Ramzan Kadırov bildirib ki, Vladimir Putin şəxsən Adam Kadırovu “ailə həyatına girməsi münasibətilə” təbrik edib.