Qarabağda “Changan” aşdı, sürücü razılıq etdi – “Cəngavər” kimi dözdü” - VİDEO

Xocavənd yolunda baş verən yol qəzası zamanı maraqlı hadisə baş verib. Avtosfer.az xəbər verir ki, qəzaya düşən sürücü bu barədə sosial şəbəkələrdə video paylaşıb. Sürücünün idarə etdiyi 77-AJ-876 qeydiyyat nişanlı “Changan” markasına məxsus “pick-up” ağır hava və relyef şəraitində aşıb. Ətrafdakıların səyi ilə avtomobil aşdığı yerdən çıxarılıb.

Sürücü bildirib ki, aşmasına baxmayaraq “pick-up”a ciddi ziyan dəyməyib. Maşının mühərrikində də problem olmadığını qeyd edən sürücü vurğulayıb ki, “Changan” “Cəngavər” kimi maşındır, aşsa da dözdü”.

Qeyd edək ki, sözügedən görüntülər sosial şəbəkələrdə geniş yayılıb və istifadəçilər tərəfindən böyük rəğbətlə qarşılanıb.

Məhəbbət Tərlanoğlu