Ruslar Makronu siçovula bənzətdilər - VİDEO

Rusiyanın nəzarətində olan Vaqner qrupu (özəl hərbi şirkət) fransızdilli Afrika ölkələri üçün klip çəkib.
Avtosfer.az xəbər verir ki, animasiya formalı klipdə Fransa prezidenti Emmanuel Makron siçovul, Vaqner döyüşçüsü isə deratizasiya aparan (siçovul məhv edən) şəxs kimi təqdim edilir.  
Klipdən görünür ki, siçovul evə girdikdə radioda “bu siçovulun adı Emmanueldir. Ona toxunmayın, o sizə kömək edir” deyilir. 
Siçovul ikinci dəfə gəldikdə radioda bildirilir ki, “siçovullar heç zaman oğurluq etmir, imperializmə qarşı mübarizə aparır”. Bu dəfə də siçovul hər şeyi yeyib dağıdır.
Üçüncü gəlişində daha da şişən siçovul ev sahibinə bildirir ki, bu artıq onun evidir və ev sahibindən mənzili tərk etməyi tələb edir. 
Çarəsiz qalan ev sahibi Vaqneri çağırır və o da bir zərbə ilə siçovulu məhv edir və öldürülmüş siçovuldan kabab çəkirlər. 
Klipi kimin çəkdiyi məlum olmasa da, Fransada ciddi qalmaqala səbəb olub.

Vüqar