Türk sürücü terrorçuları biabır etdi - VİDEO

Sosial şəbəkələrin ulduzuna çevrilmiş türk sürücü bu dəfə terrorçulara sərt müraciət edib. Avtosfer.az-ın məlumatına görə, həmin sürücü paylaşdığı növbəti videoda terrorçuları səhv yolda olmaqda, Avropanı isə terrora ikili yanaşmada ittiham edib. O hesab edir ki, terrorçular anormal insanlardır. Sürücü bildirib ki, normal insan səhər yuxudan qalxanda əlini-üzünü yuyub, səhər yeməyini yeyib işə gedər. Amma terrorçular yuxudan duran kimi bomba partlatmağa gedir. Sürücü açıq-aydın deyir ki, terrorçular dinc əhalini öldürməklə cənnətə düşəcəklərini, o dünyada 7 huri mələklə evlənəcəklərini düşünürlər. Amma bu sürücü terrorçulara bildirib ki, onlara huri yox, Nuri gələcək…

Avropada baş verən terror hadisələrinin dünya mediasında hələ də gündəmdə saxlanıldığını deyən sürücü bəyan edib ki, Türkiyədə iki ayda baş vermiş 3 dəhşətli terrora dünya biganə yanaşır və bunu mediada adi xəbər kimi yayıb dərhal da hava haqqında məlumata keçirlər. O, Türkiyəyə gələn turistlərə də irad bildirib və sonda qeyd edib ki, onsuz da taksi sürücüləri onları yetərincə «kazıklayıb»…

Qeyd edək ki, bu sürücü bundan əvvəl türk ordusu rus təyyarəsini vurandan sonra Rusiya prezidenti Vladimr Putini də sərt şəkildə tənqid etmişdi. 

Fidan