Altı tonluq maşının altında qaldığı üçün ağır yaralanan ulduz evinə buraxıldı - FOTO - VİDEO

“Marvel” kainatındakı “Qisasçılar” (“The Avengers”) filmində “Şahingöz” obrazını canlandıran amerikalı aktyor Ceremi Renner xəstəxanadan evə buraxılıb.

Oxu.Az-ın məlumatına görə, bu barədə Hollivud uduzu özünün “Twitter” hesabından xəbər verib.

“Beynim hələ dumanlı olsa da və sağalma mərhələsində olsam da, ailəmlə birlikdə evdə (“Mayor of Kingstown” serialının) ikinci mövsümünün ilk seriyasını həyəcanla izlədim”, - deyə Renner bildirib.

Qeyd edək ki, aktyor sözügedən serialda baş rolu oynayır.

Xatırladaq ki, aktyor Nevada ştatının Reno şəhərindəki evinin qarşısında qar təmizləyərkən qəzaya uğrayıb: 6,5 tonluq qartəmizləyən maşın onun üstündən keçib. Nəricədə ağır yaralanan, çoxlu qan itirən Renner xəstəxanaya yerləşdirilib. KİV-də yayılan məlumatlara görə, həkimlər Cereminin döş qəfəsindən aldığı zədənin öhdəsindən gələ biliblər, lakin ayağının vəziyyəti yaxşı deyil - aktyor ayağını itirə bilər.