Ana bətnində olarkən körpə virusa yoluxa bilərmi? - AÇIQLAMA

“Həmişə sual olub ki, ana bətnində olarkən uşaq virusa yoluxa bilərmi və qadın xəstələnib sağalarsa, doğulacaq uşağa anticisimləri ötürə bilərmi? Bu haqda kifayət qədər tədqiqatlar aparılıb, nəzəriyyələr irəli sürülsə də metodik hissəsi ciddi təşkil edilən tədqiqatlar yaxın keçmişə qədər yox idi. İlk suala cavab verəcək tədqiqat artıq mövcuddur”.
Bunu Oxu.Az-a açıqlamasında Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev deyib.
Onun sözlərinə görə, 100 yeni doğulmuş körpə və onların anaları tədqiqata daxil edilib:
“Bunlardan yalnız ikisində çox az miqdarda virus yükü tapılıb və ikinci testdə də artıq nəticələri neqativ olub. Buna görə də elmi olaraq deyə bilərik ki, ana hamilə vaxtı COVID-19 olarsa yeni doğulacaq uşağa virusun ötürməsi ehtimalı çox aşağıdır.
Digər sual isə çox maraqlıdır. Bəs anada xəstəlikdən sağaldıqdan sonra qazandığı anticisimlərdə vəziyyət nə yerdədir? Burada ən yeni elmi tədqiqat keçən həftə elmi ədəbiyyata daxil edilib. Təsdiq olunur ki, hamilə qadınlar xəstəlikdən sağaldıqdan sonra qazandıqları anticisimləri, yəni SARS-CoV-2-ə qarşı immunitetin müəyyən formasını yeni doğulmuş körpəyə ötürür. Bunu göbək ciyəsindən götürülən qanla bir daha sübut edirlər”.
“Tədqiqatda 1 500 hamilə qadın iştirak edib, bunlardan 83-də virus aşkarlanıb ki, onlardan da 72-i yeni doğulmuş körpəyə anticisim ötürüb. Bu da bizə hamilə qadınların böyük əksəriyyətinin immunitetin müəyyən formasını yeni doğulmuşa ötürdüyünü deməyə əsas verir”, - deyə N.Abdullayev qeyd edib.
Azərbaycanda yeni ehtiyac meyarı müəyyənləşir
Bakıda sürücülərin cərimələnməsinə səbəb olan yol xətlənməsi dəyişdirildi - VİDEO
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO












