Azərbaycandan keçməklə Rusiyadan Ermənistana 10 vaqon gübrə göndəriləcək

Azərbaycandan tranzit keçməklə Rusiyadan Ermənistana növbəti tədarük həyata keçiriləcək.

Avtosfer.az xəbər verir ki, bu barədə "Report"a "Azərbaycan Dəmir Yolları" QSC-dən məlumat verilib.

Qeyd olunub ki, 10 vaqon gübrə Ermənistana göndəriləcək.

Vaqonların saat 15:00-da Biləcəri stansiyasından yola salınması gözlənilir.

Xatırladaq ki, qeyd edilən marşrutla ötən gün də 8 vaqondan ibarət, çəkisi 536 ton olan gübrə Biləcəri stansiyasından Böyük Kəsik istiqamətinə yola salınıb.