"Azəriqaz"dan AÇIQLAMA: Abonentlərin göndərdiyi şəkillərin 30%-i yararlıdır - VİDEO

Mexaniki sayğaclarda tarif limitlərinin sıfırlanması ilə bağlı "Azəriqaz" İstehsalat Birliyinə abonentlər tərəfindən 144 min sayğac fotosu göndərilib. Şəkillərin 30%-i oxumaq üçün yararlı olub.

Avtosfer.az xəbər verir ki, bunu jurnalistlərə “Azəriqaz” İstehsalat Birliyinin Bakı Regional Qazın Satışı Departamentinin rəisi Zamin Mehrəliyev "Açıq qapı" aksiyası çərçivəsində bildirib: ”Bakı şəhəri üzrə sayğacların sıfırlanmasının üçdə bir hissəsi artıq başa çatıb. Eyni zamanda bizim tərəfdən bildiriş verilib, lakin abonent də bizə şəkil göndəribsə, o zaman istifadəçinin şəklinə önəm verilir”. Lakin burada diqqət edilməli məqam odur ki, şəkil oxunaqlı halda çəkilməlidir və çəkildiyi vaxt görünməlidir”.