Baba Rzayev milyonluq layihələri tendersiz həyata keçirir — İşin birini 10 manatlıq şirkət görəcək

“Azərenerji” ASC 330 kV-luq "Ordubad-Naxçıvan" EVX-nin (105 km) və 330 kV-luq "Cəbrayıl-Ağbənd" EVX-nin tikintisi (74 km) işlərinə 57 280 000 AZN sərf edəcək.Avtosfer.az-ın "Pravda"ya istinadən xəbərinə görə, bu işlər iki şirkətə - "ElektrikQuraşdırma” Müəssisəsinə (33 600 000 AZN) və “Azərelektrik Tikinti Quraşdırma” MMC-yə (23 680 000 AZN) verilib. ASC və şirkətlər arasında bağlanan müqavilələr üzrə satınalma prosedurları dövlət satınalmalarının vahid internet portalında keçirilməyib. Burada “bir mənbə metodu”ndan istifadə olunub. "ElektrikQuraşdırma”nın Nizamnamə kapitalı 6 000 AZN, “Azərelektrik Tikinti Quraşdırma”nın Nizamnamə kapitalı isə 10 AZN-dir.  Sifarişçi qurumun rəhbəri Baba Rzayevdir.